杀手 国语共30集,完结

剧情简介：

TVB 新劇《殺手》由兩大視帝擔任男主角，分別係黎耀祥及陳豪，故名思義二人當然係飾演殺手，祥仔親自介紹今次自己角色：「我係一個好Fit嘅殺手，不過係20年前，家道中落，所以有一個肚腩喺到。」其實今日（7日）公佈一眾演員造型，好多演員都相當突出，二人又點睇自己呢一身造型？陳豪表示：「就係要咁樣，女性要耀眼，令到大家眼前一亮，會令到我哋有睇佢哋興趣，而我哋就係核心，負責中和大家。」視帝雙雙出現，難免有鬥戲呢個情況出玩，祥仔笑言呢一點係必須嘅，陳豪指大家殺手嚟嘛，「自己幾鍾意呢一部劇，因為劇中會解構殺手係啲乜呢？唔只殺人，譬如有合約呀，邊個搵佢殺人，殺手同殺手之間又唔可以報仇，講好多殺手嘅事。」祥仔好認同陳豪講嘅說話，祥仔直言：「其實比較現實，大家都好人性，唔會再係以前嘅殺手，好浪漫化好假咁，我哋都要面對生活，大家都要搵食，現實要點掩飾。」二人近年轉移重心北上發展，香港劇集中甚少見二人出現，問到係咪香港劇集減產，一年拍一部？祥仔先回應：「其實唔係㗎，都冇特別去分，邊到有工作就做，咁香港我哋唔會離家，始終自己香港人，香港演員，我覺得戲喺地道文化好緊要，香港人拍香港戲俾大家睇，呢一樣始終離唔開。」陳豪指身為演員邊到有戲就會拍攝，所有事都係一種機會。